දඟකාර ඔබේ කෙහෙමඬල මා සිඹිනවා
සිහින් හිරු කෙඳි ඇවිත් මාව ඇහැරවනවා
කවුළුවෙන් එන සුළඟ මගේ නෙතු පියවලා
දෝත පුරවා ගෙනත් බිංදු පිනි ඉහිනවා
ආදරය කියන්නේ මේකදෝ
ජීවිතය දැනෙන්නේ මෙහෙමදෝ
කියාදෙන්න මගේ පුංචි සුරංගනාවී
හිසපුරා රිදීසුණු මල් වැස්ස හැලෙනවා
දෑත වත විදාගෙන මං ඔහේ තෙමෙනවා
තියන තියනා පයට වලා පාවඩ එලා
අනන්තය සොයාගෙන අයාලේ ඉගිලෙනා
ආදරය කියන්නේ මේකදෝ
ජීවිතය දැනෙන්නේ මෙහෙමදෝ
කියාදෙන්න මගේ පුංචි සුරංගනාවී
ඔබව සිහිවී තනිව සිනාසෙන මා දිහා
ළඳුන් හිනැහී බලයි මට උමතු දැයි කියා
අත් පොඩිති වන වනා සිඟිති කිරි සිනා පා
නාඳුනන පොඩිත්තෙක් මවෙත සමු දී ගියා
ආදරය කියන්නේ මේකදෝ
ජීවිතය දැනෙන්නේ මෙහෙමදෝ
කියාදෙන්න මගේ පුංචි සුරංගනාවී
ආදරේ කියන්නේ නම් ඕකටම තමයි..... ;)
ReplyDelete