පලා යන්නට
මේ නපුරු සිහිනයෙන්
මේ ලොවේ තනිවී
සිටිමි මා අවදියෙන්
මේ නිහඬ බව
කිලිටි කරන්නට
කිසිවෙකුත් නැත
නන් දොඩවන්න;
කවුරුද, මෙහි කුමක් කරන්නේද
කිසිවෙකු නැත ප්‍රශ්ණ කරන්නට;
මගේ ලෝකයයි,
මං විතරමයි.
අතරමං වී ඇත්නම් මා
සොයාගන්න,
නමුත් මාහට
නැවත එන්නට යැයි
ඇවිටිලි නොකරන්න.
හිඳගන්න මා පසෙකින්
එවිට ඔබ හැඳිනගනු ඇත
මා මෙහි නිතර
පැමිණෙන්නේ කිමද,
මාගේ සිහින දිවයිනට
පිහිනා යන්නට හේතුව.
ඒ කිසිවක් නැතත්
ඔබ හද අත්ලට
මා ආත්මයේ ස්පර්ශය
උණුහුමට දැනෙනු ඇත.
බාගදා හැකිවේවි
අප දෙදෙනාටම
මේ සිහින දිවයිනෙහි
එකට අතරමං වන්නට.
