Monday, December 17, 2012

මේ ලෝකයෙන් වෙන් ව මේ සසර නිමකරම්



















නිල්අහස සාගරය නොපෙනෙන්න වෙන්වෙලා
රජකරපු හිරු කුමරු සිහසුනද හැරගියා
ඈත දියඹට ගිහින් නැව් කඳක් තනිවෙලා
කොළඹ හුළඟට මගේ කටු ඔටුනු විසිකලා.

රළ පෙලක් පිටු පසින් රළ පෙලක් නැඟෙන්නේ 
මේකුලක් පිටුපසින් මේකුලක් සරන්නේ
ලිහිණියෙක් පිටුපසින් ලිහිණියෙක් සරන්නේ
අද මගේ පිටුපසින් ඔබව නැහැ පෙ‍නෙන්නේ.

මීවිතින් මත්නොවී මගේ නෙත් නිරුවතින්
පහන් කණුවක් දිලෙයි ගණදුරට පෙම්කරන්
කදෝපැණි එලියකට කසුන් හිරුරැස් කියන්
මේ ලෝකයෙන් වෙන් ව මේ සසර නිමකරම්. 
Posted by at

1 comment:

මා මෙන් ම සිතන පතන මිනිසුන් පිරිසක් තවමත් හුස්ම ගනිමින් සිටිනවා යන හැඟීම පමණක්, මේ ජීවිතයෙන් හා ලෝකයෙන් පලායෑමේ චේතනාවෙන් මා මුදවාලන එක ම නිදහසට කරුණයි. මා ඔබ මත විශ්වාසය තබමි.

Subscribe to: Post Comments (Atom)